Jamoamiz ASBIS tomonidan O‘zbekistonda “Pure Storage mijozlari bo‘yicha yetakchi” nominatsiyasida nufuzli mukofot bilan taqdirlandi. Bu yutuq ma’lumotlarni saqlash va Pure Storage yechimlarini joriy etish sohasidagi yuqori ekspertizamizni tasdiqlaydi.
Ushbu e’tirof mijozlarga xizmat ko‘rsatishning yuqori standartlariga sodiqlik hamda joriy etilgan texnologiyalar sifatini aks ettiradi. Hamkorlarimizga bildirilgan ishonch va qo‘llab-quvvatlaganlari uchun minnatdorchilik bildiramiz, shuningdek, butun jamoamizga professionalligi va bu natijaga erishishdagi hissasi uchun tashakkur izhor etamiz.
Ushbu mukofot – O‘zbekistonda yuqori texnologik yechimlar sohasidagi yetakchi integratorlar qatoridagi pozitsiyamizni yanada mustahkamlash yo‘lidagi navbatdagi muhim qadamdir.
